2010年12月28日 星期二

傳統古方紫雲膏(附加使用前後相片)

今年唔知點解肥媽嘅主婦手非常嚴重
有日無意中被肥媽發現有關紫雲膏嘅資料
所以肥媽就決定學整紫雲膏
而肥媽發現網上流傳有多種不同嘅改良配方
最後肥媽決定試整傳統古方紫雲膏
肥媽全部藥材都係選購自"位元堂"
將所有藥材浸胡麻油3日
之後就開始炸藥材
炸完藥材後將藥材過濾
跟住就加蜂蠟及梅花冰片
最後就入瓶
分別有 : 5g唇膏裝/10g裝及23g裝
( 遲d得閒拎比有需要fd用吓先 )
試整後肥媽當然第1時間測試效果啦
以下照片可能有部份使人情緒不安
如有不便之處
肥媽在此敬請各位原諒
咁啱肥媽整完紫雲膏後第2日就生咗粒唇瘡
肥媽就即時搵d紫雲膏嚟搽吓測試吓效果
由於呢幾日天氣炎熱(天文台發出酷熱天氣警告)因此肥媽經常出汗
所以要搽多幾次先見效
唔使1個星期已經痊癒
另外就係肥媽雙主婦手喇



肥媽雙主婦手比較嚴重
但唔使1個星期
肥媽雙手終於痊癒
而且傷口重比以前柔潤咗添

對比以前肥媽睇完醫生
起碼要比$2xx診金
仲要食消炎藥, 抗敏藥, 止痕藥及搽1細盒止唔到痕嘅藥膏
食完藥後整個人又會昏睡
e+真係方正好多
每日只須搽紫雲膏數次就痊癒

傳統古方紫雲膏成份 : 紫草根, 當歸, 日本純正胡麻油, 梅花冰片(食用冰片), 蜂蠟.
紫雲膏的主要成分全都是可以食用. 所以就唔怕不小心食下.
紫草根(購買時請註明紅條紫草根) - 紫草在西方被稱為"Healing Heb"即具治療作用的草藥. 紫草中的尿囊素, 具有清熱解毒, 抗菌消炎功效. 能使疤痕癒合和促進肌膚再生, 更能防治濕疹瘡毒等均有幫助. 能改善問題皮膚.
當歸 - 當歸則含有維生素A, B12, E及人體必需的氨基酸等營養素, 能增強新陳代謝和內分泌功能. 亦能滋潤肌膚, 活血止痛.
胡麻油(肥媽選用日本純正胡麻油) - 胡麻油含有豐富的維他素E及必須脂肪酸.具親水性的特質, 親膚性特別好, 能滋養潤膚, 涼血解毒, 療瘡, 生肌止痛.
而肥媽點解選用冷壓胡麻油(因為冷壓胡麻油集齊"胡麻"同"冷壓"的好處.)
冷壓 - 胡麻冷藏低溫保存, 製造過程不經高溫烘炒, 不經螺旋壓榨, 不添加化學藥劑(工業酒精)採用完全不破壞營養成分"冷壓"製成"自然沉澱過濾法"保留天然微量元素.
梅花冰片 - 習稱"龍腦片"梅花冰片因其形狀和貴重而得名. 《本草備要》中有提到 : 「辛溫香竄, 善走能散. 先入肺, 傅於心, 脾, 而透骨. 通譇竅, 散鬱火. 治驚癇痰, 目赤膚翳, 耳聾鼻瘜, 喉痺舌出, 骨痛齒痛, 痘陷產難, 三蟲五痔. 出南番, 云是杉脂, 以白如冰, 作梅花者良.」
梅花冰片有分食用的和外用的, 價錢相差好多倍(購買時請註明食用梅花冰片)梅花冰片除咗可作食用之外, 還可作目療(啱晒肥媽呢d經常捽眼捽鼻嘅人)而冰片就不可. 梅花冰片有抗菌, 止癢止痛, 鎮痛清涼, 對燙傷或蚊蟲咬傷都有很好功效(因為梅花冰片並不容易購買. 加上價錢昂貴. 所以肥媽見意各位去有信譽嘅藥業購買.)
蜂蠟 - 蜂蠟是從蜜蜂的蜂窩提取. 有溫暖, 甜和自然的氣味. 它有一些自由基換氣能力, 並且有抗氧化, 殺菌, 軟化肌膚和增加皮膚彈性的作用.
紫雲膏功效 - 應用範圍相當廣泛, 有活血, 止痛, 清熱, 解毒作用. 對燙傷, 刀傷, 燒傷, 濕疹, 痔瘡, 皮膚痕癢, 蟲咬, 富貴手(又名主婦手), 香港腳, 帶狀皰疹, 皮膚苔蘚, 唇瘡, 牙瘡, 口腔飛滋都有效. 具殺菌, 消炎, 止痛, 促進傷口癒合等作用.
但孕婦, 蠶豆症, 溶血症, G6PD缺乏症患者忌用. 因當中的梅花冰片成分會引起過敏反應. 因此3歲以下兒童不能長時間使用.
最近肥媽研究咗1款花草膏
花草膏係專醫療小兒濕疹
詳細資料煩請click入以下網誌
紫雲膏為純中藥製造, 性質溫和不刺激, 所以沒有什麼副作用. 因此每天塗抹次數不限.
紫雲膏平日應保存於陰涼處, 避免高溫日曬. 如果隨身攜帶最好放在膠袋裏, 免得藥膏受熱融化染污衣物.
如不慎將紫雲膏染到衣服上. 請即時用肥皂清洗染紅部分

如各位有興趣試用或對以上日誌有乜嘢疑問
肥媽歡迎各位以私人留言,
或
click入以下網誌查詢

網上有關紫雲膏嘅資料 :
網上有關當歸嘅資料 :
張貼者： 於

沒有留言:

張貼留言

訂閱： 張貼留言 (Atom)